الأحد، شباط 20، 2005

حرية

ع الباب تركنا الشتوية ... والخوف من عيون الناس وعيـــــونا تسأل عينيّي ... عن غنّية وعمر وكـــــاس غنّيـــــة دبلت ع الـــتم عمر ومارق متل الحلم كاسك يا حريـــــة سم والموت بحبّك حيـــــــاة
غرفة منسية جمعتنا ... شباكا العالي مفتوح حيطانا تحاكي مرايتنا ... والخوف مخيّم ع الروح
خوف من الإعصار ال برّه
ومن ياللي نـــــاطرنا بكـره
ياكاس الحريــــــة المــــرة
من مــــرك تحلى الحيـــــاة
سكّتنا الخوف بتنهـــيدة ... قالتها شــفافا ع شفافي
وبشعراتا ضاعت إيدي ... ترســم حلم معطّر دافي
دفيني بحزنك غطيــني
نسّيني أحزان سنيني
يا حرية ضلي اســقيني
عشـــــقي لعيونك حياة
ع جناح اللحظة المسروقة ... ســـــــافرنا برّات الكبت
نكتب ع الورقة المحــــــروقة ... موسيقى تتحدّى الصمت
من صوت الموسيقى رضعنا
كيف ت ع الصمت تعـــــوّدنا
يا حريــــــــــــة إنتي إلنــــــا
وإنتي إلنا يا حيـــــــــــــــــاة