الثلاثاء، تشرين الثاني ١٤، ٢٠٠٦

صباح الخير ساو باولو

صباح الخير ساو باولو صباح الخير يا مْدينة نسيها الرب أو يمكن ع كبرا طافت وما ساعتا عيون السما ولا رحمة الإنسان شرشر ع طرقاتا بشر صرلون دهر ما عرفوا شكل السقف ما ضمّتون حيطان *** صباح الخير ساو باولو صباح الخير يا مْدينة أنا بحضنك صبي مدلل ع كتر غيابي ما طوّل ع كتر الشوق والغربة صرت متلك يا ساو باولو غنى هالعالم بقلبي فقر هالعالم بقلبي فرح هالعالم بقلبي وحزن هالعالم بقلبي

هناك ٤ تعليقات:

مترجم سوري يقول...

اي والله صباح الخير

غير معرف يقول...

صباح النور علي، سعيدة لأني شفتك هون بعد غياب

و تحياتي من مدينة الضباب

Nasser يقول...

صباح الخير ومن ثم صباح الورد يا مكلعط
اشتقنا وحياة زليخة!

جميل دوماً..

سلامات وخبز محمص وزعتر

moe يقول...

بتوحشني و الله يا علي