السبت، شباط ٠٢، ٢٠٠٨

ما عد حمل قلبي

ما عدْ حِمِلْ قلبي
غربة ع هالغربة
بدّو ت تهْدى جْوانْحو بسِّ الدَّرِبْ صعبة

***

متعوّد -وكفّي النّدى- إسقي الزّرِع
إتسابق جموح المدى بْجانح شَمِع
خلِّي الشمس جنبي
تسمعني وتلبّي
تنزلْ برِدْ ع جْوانْحِي وتعطِّرا مْحبّة

***

بكرا بسما غير السما رح برتمي
والرحلة ترجع ترسما مواسم طمي
غربة بعد غربة
ما بتهدى يا دربي
جايي ع بالي غطّ بسِّ مْزاري متخبّي

***

ما عدْ حِمِلْ قلبي
غربة ع هالغربة
مشتاقة تهْدى جْوانحو بسِّ الدَّرِبْ صعبة

***

هناك ٣ تعليقات:

arabic man يقول...

حلوة كثير
الله يعطيك العافية
والمدونة كلها مميزة جدا
تحية لك

غير معرف يقول...

Nice! Where you get this guestbook? I want the same script.. Awesome content. thankyou.
»

موقع نادى الزمالك تيم يقول...

مدونتك متميزه جدا يا غالى