بتذكّرِك يا غربة الأحلام
كل ما البحر غسّل ملح جرحي بملح
بتذكّرِك
همس الشتي والجاز ومْواج الهدير
غلّوا سوا بدمّي
والكف خربش ع الورق
والخربشات تشكّلوا
موج وصدف
لما الحلم ملّ السكن
هجّوا اللي كانوا يخيّطوا حكايات
واستسلم التنّين للشاطر حسن
خلصوا الأحاجي وْهَي
قاعد م إسمع جاز قدامي الشتي
ما عاد خربش ع الورق كفّي
غطِّ الحلم
هجّ الحكي
====
هج: رحل
غط:هبط، وتقال عن الطائر
ليست هناك تعليقات:
إرسال تعليق