صباح الخير ساو باولو

صباح الخير ساو باولو صباح الخير يا مْدينة نسيها الرب أو يمكن ع كبرا طافت وما ساعتا عيون السما ولا رحمة الإنسان شرشر ع طرقاتا بشر صرلون دهر ما عرفوا شكل السقف ما ضمّتون حيطان *** صباح الخير ساو باولو صباح الخير يا مْدينة أنا بحضنك صبي مدلل ع كتر غيابي ما طوّل ع كتر الشوق والغربة صرت متلك يا ساو باولو غنى هالعالم بقلبي فقر هالعالم بقلبي فرح هالعالم بقلبي وحزن هالعالم بقلبي