حب من طرف واحد

شو همّ لو حبيت ماانْحبيت نفس العِطِرْ بالليل بيسافر نفس الوَتَرْ مَشْدود ع الآخر شي تِلْمِسو بيْجِنّ بيرَتِّل شِعِر نفس القَصَبْ مَبْحوح ما بْتعرفْ كنّو مَ يشكي للقَدَرْ ولاّ مَ يستَقْبِلْ مَطَرْ يِمْكِن إذا بِزْعَل عَ شي إنّك إِنِتْ برّات هالجنّة ما تحسّ شو عم حسّ إنك ما تِسْتَطْعِمْ مَعي هالسِّكَّر الرّشّو الهوى ع شْفاف إيّامي إنك ما تَعْرِفْ يا قَمَرْ شو بْشوف بِبْنامي كَنّك ما دِقْتِ الحبّ بِدعيلك بِنَارِ العِشْق روحك حَرَام تْضَلّ بردانة وقتا إذا بْتنحَبّ.. ما بْتِنْحبّ صدّق يا أغلى الناس ما في فَرْق