وِبْتِرْجَعِي

وَقْتِ الْ ما بِتْكوني مَعي ضَلِّ النَّهارِ بْمَطْرَحو أوْ غابِ مَا بْتِفْرُقْ مَعي كلِّ الدَّقَايِقْ وِالْحَقَايِقْ وِالأَماكِنْ وِالطُّرُقْ برَّه الوَعي كلّ اللي تارِكْلي النَّبِِضْ عِشْقي إِلِكْ بَسِّ العِشِقْ وَحْدو ما بيْكفِّي.. ما بيدفِّي.. ما بيرِدِّ البَرِدْ بَدِّي بجِسْمي تضّيْع ديّاتِكْ بدِّي عَ صِدْرِيْ تْموتْ نّهْداتِكْ إِرْجَعْلِكِ، تْكوني مَعي وَقْتا مِتِلْ رَجْعِةْ ربيعِ بْتِرْجَعي عَ شْفافي بيْفتِّحْ زَهِر عَ زْنودي بيْمَشْوِرْ عِطِر بيْجِنِّ عَنْقودِ العِنِبْ تَ بْكَفِّكِ يْبَلِّشْ عِمِرْ عم تسْمَعي؟ عم تسمعي؟ كلاّ عَصِرْ بيْطيْبِ بِجْرارو الْخَمِرْ بِرْجَعْ لَشِلاّلْ السِّحِرْ وِبْتِرْجَعِي