صباح الخير ساو باولو
صباح الخير يا مْدينة نسيها الرب
أو يمكن
ع كبرا طافت وما ساعتا عيون السما
ولا رحمة الإنسان
شرشر ع طرقاتا بشر
صرلون دهر
ما عرفوا شكل السقف
ما ضمّتون حيطان
***
صباح الخير ساو باولو
صباح الخير يا مْدينة
أنا بحضنك صبي مدلل
ع كتر غيابي ما طوّل
ع كتر الشوق والغربة
صرت متلك يا ساو باولو
غنى هالعالم بقلبي
فقر هالعالم بقلبي
فرح هالعالم بقلبي
وحزن هالعالم بقلبي
هناك ٤ تعليقات:
اي والله صباح الخير
صباح النور علي، سعيدة لأني شفتك هون بعد غياب
و تحياتي من مدينة الضباب
صباح الخير ومن ثم صباح الورد يا مكلعط
اشتقنا وحياة زليخة!
جميل دوماً..
سلامات وخبز محمص وزعتر
بتوحشني و الله يا علي
إرسال تعليق