الشهداء

لوما النّدى ع الورد شو فيّق البسمة لولا ما يدمى الصبح شو هجّج العتمة لوما ع باب القدر دقّوا شو جاب الضوّ لولا ما دمّون حكي شو نفعت الكلمة *** مرقوا ع بابي الصّبح بتياب ورديّة ما وقّفوا يقطفوا ياسمين إيديّي ما لْحقت أعرف حدا هبّ النسيم وعيت وعروق دمّي انتلوا نهدات حريّة *** تاري النسيم المرق عطر الحبق دمّون مدّوا ليومي جسر من ليلون وهمّون صفّوا عرايش ورد تعلا لفوق الغيم ت يبوسوا خدّ السّنا ال بجوانحو ضمّون ***